Հավելված N1 

Հաստատված է Ընկերության տնօրենի 

01.03.2025 թվականի N01/03 հրամանով 

ԿԱՆՈՆՆԵՐ 

Գովազդային վիճակախաղի 

«Գովազդային վիճակախաղ» անվանումով գովազդային վիճակախաղը (այսուհետ՝ նաև Վիճակախաղ) անցկացվում է «Փիրալյան» սահմանափակ պատասխանատվությամբ ընկերության  (այսուհետ՝ նաև Ընկերություն) կողմից, որի միջոցով կատարվելու է «Roberto Piraloff» առևտրի սրահներում վաճառվող ապրանքների գովազդումը՝ նպատակ ունենալով մեծացնելու Ընկերության իրացումների քանակը: Վիճակախաղը ներքոգրյալ պայմանների կատարման պարագայում հնարավորություն է ընձեռում դրա մասնակիցներին շահել մրցանակ` ավտոմեքենա (ավտոմեքենաների նկարագիրը նշված է Ընկերության պաշտոնական ֆեյսբուքյան և ինստագրամյան էջերում): 

Սույն գովազդային վիճակախաղի կանոններն (այսուհետ՝ նաև Կանոններ) հանդիսանում են հրապարակային օֆերտա Հայաստանի Հանրապետության քաղաքացիական օրենսգրքի 451-րդ հոդվածի և 453-րդ հոդվածի 2-րդ մասի կարգավորումների տրամաբանությամբ: Կանոններին համապատասխան` որպես վիճակախաղի մասնակից գրանցվելը համարվում է օֆերտայի ակցեպտ: Վիճակախաղին մասնակցելու համար գրանցմամբ մասնակիցը (գնորդը) տալիս է իր անձնական տվյալները վիճակախաղի ամբողջ ընթացքում պահելու, մշակելու և օգտագործելու վերաբերյալ թույլտվություն: Սույն կարգով տրված օֆերտայի գործողության ժամկետը համընկնում է վիճակախաղի անցկացման ժամկետի հետ: Վիճակախաղը կարող է ցանկացած ժամանակ դադարեցվել ընկերության կողմից՝ արդեն իսկ տրամադրված խաղարկության կտրոններով վիճակախաղը սույն կաննոներին համապատասխան իրականացնելու պայմանով: 

ԳՈՎԱԶԴԱՅԻՆ ՎԻՃԱԿԱԽԱՂԻ ԱՆՑԿԱՑՄԱՆ ԵՎ ԴՐԱՆ ՄԱՍՆԱԿՑԵԼՈՒ ՊԱՅՄԱՆՆԵՐԸ 
  

       1.Վիճակախաղին մասնակցելու համար անհրաժեշտ է Ընկերության կողմից սահմանված ժամկետներում Ընկերության ցանկացած խանութ-սրահներից գնումներ կատարել՝ յուրաքանչյուր միանվագ գնումը 60.000 (վաթսուն հազար) ՀՀ դրամից ոչ պակաս չափով: Գնման կապակցությամբ տրվում է ՀԴՄ կտրոն, որը գնորդը պարտավոր է պահպանել: Այդ գնման ավարտից հետո գնորդի կամահայտնության պարագայում վերջինիս տրվում է վիճակախաղի կտրոն (Վիճակախաղի կտրոնի նմուշը հրապարակվում է Ընկերության կողմից), որն ունի խաղարկությանը մասնակցելու հնարավորություն:  

        2.Գնորդի ցանկությամբ Վիճակախաղի կտրոն կարող է տրամադրվել նաև Ընկերության պաշտոնական կայքից առցանց գնումներ կատարելիս: Այդ դեպքում գնորդը պարտավոր է Կանոններով սահմանված կարգով Վիճակախաղի կտրոնը գցել Ընկերության որևէ հասցեում գտնվող սրահներում տեղադրված արկղում, որի արդյունքում ստանում է խաղարկությանը մասնակցելու հնարավորություն: 

         3.Յուրաքանչյուր խաղարկության կապակցությամբ, դրա մասին նշումով Վիճակախաղի կտրոնով, խաղարկության կտրոնները կարող են տրամադրվել այդ խաղարկության տեղի ունենալուց մինչև 15 օր առաջ, ուստի յուրաքանչյուր խաղարկության կարող է մասնակցել այդ խաղարկության տեղի ունենալուց ոչ ուշ, քան 15 օր ավելի առաջ լրացված ու համապատասխան արկղում գցված վիճակախաղի կտրոնները: 

         4.Ընկերության կողմից յուրաքանչյուր խաղարկությունից 15 օր առաջ դադարեցվում են վիճակախաղի այն կտրոնների տրամադրումը գնորդներին, փոխարենը պետք է տրամադրվի մոտակա խաղարկությանը հաջորդող խաղարկության նշումով խաղարկության կտրոն՝ նման խաղարկություն հայտարարված լինելու դեպքում: Յուրաքանչյուր խաղարկության տեղի ունենալու ամսաթվից 14 օր կամ ավելի կարճ ժամկետում լրացված ու խաղարկության արկղը գցված վիճակախաղի կտրոնները, անկախ այդ կտրոնները Ընկերության կողմից տրամադրված լինելու, գնորդի կողմից ստացած կտրոնն ուշացումով արկղը գցելու կամ այլ հանգամանքներից, անվավեր (ուժը կորցրած) են: 

         5. Վիճակախաղի կտրոնը տրվում է գնորդի ցանկությամբ: 60.000 (վաթսուն հազար) ՀՀ դրամ և ավելի գումարով գնման վերաբերյալ յուրաքանչյուր մեկ ՀԴՄ կտրոնի հետ տրվում է միայն մեկ Վիճակախաղի կտրոն: Գնորդը պարտավոր է մինչև խաղարկության ավարտը ՀԴՄ կտրոնը պահել ամբողջական ու ընթեռնելի վիճակում:  

         6.Վիճակախաղի կտրոնի վրա գնորդի կողմից պետք է նշվեն գնումը կատարելու ամսաթիվը, իր հեռախոսահամարը և ՀԴՄ կտրոնի համարը: Գնորդն իր ցանկությամբ կարող է մասնակցել խաղարկությանը: Գնորդը պետք է ներկայանա խաղարկությանը ՀԴՄ կտրոնի բնօրինակով, որը պետք է լինի անվնաս և ընթեռնելի վիճակում: 

          7.Սահմանված կարգով լրացված Վիճակախաղի կտրոնը գնորդը պետք է գցի դրա համար տվյալ սրահում տեղադրված արկղում: Վիճակախաղի կտրոնները լրացնելը և համապատասխան արկղում գցելը գնորդը պետք է ինքնուրույն կատարի (Ընկերությունն այդ կապակցությամբ որևէ պարտավորություն չունի): 

          8.Արկղի վրա նշված է լինելու նույնականացնող տվյալ՝ խաղարկության ամսաթիվը: Վիճակախաղի կտրոնները արկղի մեջ գցելու կապակցությամբ Ընկերությունը որևէ պարտավորություն չունի: 

         9.Յուրաքանչյուր գնորդ կարող է լրացնել անսահմանափակ քանակությամբ խաղարկության կտրոն` համապատասխանաբար անսահմանափակ թվով գնումներ (յուրաքանչյուր գնման արժեքը ոչ պակաս, քան 60.000 ՀՀ դրամ) կատարած լինելու դեպքում` դրանով իսկ մեծացնելով վիճակախաղի արդյունքում շահելու հավանականությունը: 

         10. Միանվագ 60.000 (վաթսուն հազար) ՀՀ դրամ և ավել գումարի գնում կատարելու դեպքում Գնորդն իր ցանկությամբ հնավորություն է ստանում գնման կապակցությամբ տրված մեկ ՀԴՄ կտրոնով մեկ անգամ մասնակցելու  կայանալիք  խաղարկությանը: Ստացված կտրոնի վրա գնորդի կողմից պետք է նշվեն գնումը կատարելու ամսաթիվը, իր հեռախոսահամարը և ՀԴՄ կտրոնի համարը և այն գցվի դրա համար նախատեսված արկղը:  

        11.Վիճակախաղի կտրոնի տվյալները լրացվում են Գնորդի (Մասնակցի) կողմից, ով կրում է պատասխանատվություն դրանում լրացված տվյալների իսկության և ամբողջական լինելու համար: 

         12.Եթե սույն Վիճակախաղին մասնակցելու համար կատարված գնում(ները) վերադարձվում են, ապա Գնորդը տվյալ գնման շրջանակում կորցնում է Վիճակախաղին մասնակցելու իր իրավունքը: Նման Վիճակախաղի կտրոնները համարվում են անվավեր (ուժը կորցրած) և այդ կտորններով հնարավոր չի լինի մասնակցել Վիճակախաղին: 

13.Գնված ապրանքի փոխանակման պարագայում Գնորդի` Վիճակախաղին մասնակցելու իրավունքը պահպանվում է փոխանակման արդյունքում տրված նոր ՀԴՄ կտրոնի հիման վրա, եթե գնված ապրանքի գինը չի նվազում սույն կանոններով սահմանված միանվագ գնման գումարից (նվազագույնը՝ 60.000 ՀՀ դրամ): Այդ դեպքում Գնորդը պարտավոր է Ընկերությանը վերադարձնել նախորդ գնման կապակցությամբ տրված ՀԴՄ կտրոնը, որի տվյալներով մինչ այդ լրացված ու գնորդի կողմից արկղը գցված Վիճակախաղի կտրոնները համարվում են անվավեր: Որևէ հիմքով անվավեր դարձած վիճակախաղի կտրոնով խաղարկությանը մասնակցել հնարավոր չէ: Նոր ՀԴՄ կտրոնի տվյալներով Գնորդը ստանում է նոր Վիճակախաղի կտրոն ստանալու և լրացնելով համապատասխան արկղում գցելու հնարավորություն: 

14.Անձի` Վիճակախաղին մասնակցելու իրավունքը ծագում է սույն կանոններին համապատասխան վիճակախաղի կտրոնները արկղի մեջ գցելուց հետո: 

         15.Խաղարկության անցկացման տարին, ամիսը, ամսաթիվը նշվում է վիճակախաղի կտրոնների համար նախատեսված արկղի վրա: 

16.Սահմանված օրն անց է կացվում խաղարկությունը: Այդ նպատակով Ընկերության բոլոր սրահների տվյալ խաղարկության ամսաթվով արկղերը վիճակախաղի վարողի կամ վերջինիս կողմից ներգրավված անձի (անձանց) կողմից բացվում և դրանցում առկա Վիճակախաղի կտրոնները լցվում են պտտաարկղի մեջ: 

           17. Կտրոններ ունեցող անձինք պարտավոր են վիճակախաղի համար սահմանված ժամանակին անձամբ ներկայանալ Ընկերության կողմից սահմանված վիճակախաղի անցկացման վայրը: Մասնակիցների նույնականացումն իրականացվելու է ՀԴՄ կտրոններով՝ ըստ համարների:  

          18. Սահմանված ժամից ուշ (անկախ ուշանալու տևողությունից) ներկայացած, ինչպես նաև ընթեռնելի ու անվնաս վիճակում գտնվող ՀԴՄ կտրոն չունեցող անձինք չեն կարող մասնակցել վիճակախաղի երկրորդ փուլին՝ Կանոնների պահանջների խախտման հիմքով: 

           19. Առանց ՀԴՄ կտրոնի առկայության կամ ոչ ընթեռնելի, վնասված ՀԴՄ կտրոնով անձը չի կարող մասնակցել վիճակախաղին, նման Վիճակախաղի կտրոնը համարվում է անվավեր: Խաղարկության մասնակից են համարվում սույն կաննոների պահանջներին համապատասխան Վիճակախաղին ներկայացած անձինք:  

        20.Շահող է համարվում վիճակախաղի ժամանակ պտտարկղից հանված վիճակախաղի կտրոնի վրա նշված համարով ՀԴՄ կտրոն ներկայացրած անձը (մասնակիցը): 

21.Վիճակախաղի հաղթող մասնակիցը շահում է այդ օրվա խաղարկության համար սահմանված ավտոմեքենան: 

22.Իրենց կամահայտնությամբ միանալով Ընկերության կողմից անցկացվող գովազդային վիճակախաղին՝ մասնակիցներն ընդունում են, որ տեղեկացված են վիճակախաղի սույն կանոններին, ինչպես նաև՝ տեղեկացված են խաղարկվող ավտմեքենաների հատկանիշներին և որ որպես շահում տրամադրվող ավտոմեքենաների գնորդը ավտոմեքենան շահող անձն է լինելու, իսկ Ընկերությունը կրելու է այդ ավտոմեքենաների վաճառքի գնի վճարման պարտավորությունը: 

23.  Ընկերության  վաճառասրահների աշխատակիցները, նրանց ընտանիքի անդամները չեն կարող մասնակցել սույն վիճակախաղին: Նշված անձանց` վիճակախաղին  մասնակցելու և շահելու դեպքում մրցանակը չի հանձնվի տվյալ անձին /անձանց/՝ Կանոնների պայմաններով խախտման պատճառաբանությամբ: